Presidenti i Republikës së Kosovës, Fatmir Sejdiu i dërgoi Presidentit të Republikës së Francës, Nicolas Sarkozy, një telegram urimi me rastin e 14 Korrikut – Ditës Kombëtare të Republikës Franceze.
Në urimin e presidentit Sejdiu thuhet:
Shkëlqesia e tij Nicolas Sarkozy
President i Republikës së Francës
I dashuri mik:
Në emër të popullit dhe institucioneve të Republikës së Kosovës, ju uroj juve Shkëlqesia Juaj, Qeverinë dhe popullin e Francës me rastin e 14 Korrikut – Ditës Kombëtare të Francës.
Për Francën, 14 korriku nderon historinë e pasur të Republikës Franceze dhe populli i Kosovës ju bashkohen në festën për këtë ditë shumë të rëndësishme për historinë e vendit tuaj.
Derisa ju festoni këtë ditë në vendin tuaj, ne shprehim falënderimet e thella të të gjithë qytetarëve të Kosovës për njohjen e menjëhershme të pavarësisë së Kosovës dhe mbështetjen e vazhdueshme që Republika e Francës ka dhënë dhe po jep për zhvillimin dhe suksesin e vendit tim.
Qytetarët e Kosovës ndihen të bekuar që e kanë Francën një vend mik të vërtetë dhe presim me padurim që marrëdhëniet e shkëlqyeshme në mes dy vendeve tona të forcohen edhe më tej.
Pranoni, i dashur President, përgëzimet e mia të përzemërta me rastin e Ditës Kombëtare të Francës dhe sigurinë për respektin dhe konsideratën time më të lartë.
Sinqerisht,
Dr. Fatmir Sejdiu
President i Republikës së Kosovës
Ky postim është gjithashtu i disponueshëm në gjuhë: SR